"ადამიანებისადმი ღირსეული მოპყრობა - ყოველგვარ ცოდნაზე მაღლაა"

თანასწორობის ცნება ქართველთა შორის არ არის ახლად წარმოშობილი იდეა. ტოლერანტობა და თანასწორობა - ეს ჩვენი ისტორიული არჩევანია. დღეს დისკრიმინაცია საქართველოს კონსტიტუციით ოფიციალურად იკრძალება. თითოეული ადამიანი განურჩევლად რასისა, კანის ფერისა, ენისა, სქესისა, რელიგიისა თუ სხვა ნიშნებისა, ერის ნაწილია და ის კაცობრიობას წარმოადგენს.

ადამიანი დაბადებისას არც ტოლერანტია და არც არატოლერანტი, ამაზე არ ვდაობთ, მაგრამ ზრდასთან ერთად ყალიბდება შეხედულებები და მსოფლმხედველობა. მოზარდებში კი დღესდღეობით ფართო პრობლემაა ფიზიური/ფსიქოლოგიური ტერორი - ბულინგი/კიბერბულინგი, რომელიც აუცილებელია შენიშვნისთანავე აღმოიფხვრას, რადგან ემოციური ძალადობა მიუღებელია, ხოლო მასთან შეგუება - შეუძლებელი. მსგავსი ფაქტი ნებისმიერ დროს შესაძლოა გადავიდეს ფიზიკურ ძალადობაში.

ბულინგს არაერთი დამანგრეველი შედეგი მოჰყვება: დაბალი თვითშეფასება, დეპრესია, შფოთვა, ქცევითი პრობლემები, ალკოჰოლიზმი, ნარკომანია, თვითმკვლელობისკენ მიდრეკილება, გარშემომყოფებთან კომუნიკაციის შესუსტება/შეწყვეტა და სხვა. იმისათვის, რომ ეს ყველაფერი თავიდან ავირიდოთ საჭიროა სათანადო ზომები მივიღოთ:

​​

1.  თბილი და მეგობრული გარემო

   უნდა გვახსოვდეს, რომ ბავშვებს უნდა მივცეთ უფლება გაიზარდონ სრულფასოვანი ადამიანები, თბილ გარემოში. მათდამი მოპყრობის ხერხები დიდ როლს თამაშობს ბავშვის პიროვნებად ჩამოყალიბებაზე. ჯანსაღი გარემო შექმნის ჯანსაღ საზოგადოებას, სადაც ბულინგის და ძალადობის შემთხვევები მინიმუმადე დავა.

​​

2. ავამაღლოთ მოზარდების ცნობიერება

   აუცილებელია, სკოლაში მცირე ასაკიდან ავუმაღლოთ ბავშვს ცნობიერება ამ საკითხის გარშემო. უნდა დავანახოთ მოზარდებს და ჩავნერგოთ მათში სტრატეგია: მოექეცი სხვებს ისე, როგორც გინდა, რომ მოგექცნენ შენ.

 

3.პოზიტიური ურთიერთობა

მოსწავლესა და მასწავლებელს შორის პოზიტიური, მეგობრული ურთიერთობის ჩამოყალიბება, მოსწავლეების საჭიროებების გათვალისწინება და დახმარება მაქსიმალურად აღმოფხვრის უხეშ მოპყრობას ერთმანეთისადმი მოზარდებს შორის. ისინი იქნებიან მშვიდები და ერთმანეთისა და საზოგადოების მიმართ მეტად მეგობრულები.

 

4. ​სხვისი აზრის პატივისცემა

მასწავლებლებმა და ოჯახმა ბავშვის აღზრდისას უნდა იზრუნოს იმაზე, რომ მოზარდმა ადრეულ ასაკშივე ისწავლოს სხვისი აზრების მოსმენა და დაფასება, ისევე, როგორც საკუთარი იდეების გამოთქმა, რადგან უნდა ესმოდეს, რომ განსხვავებული შეხედულებები არ უნდა გახდეს დაპირისპირებების საბაბი. აუცილებელია მოსწავლის აღზრდისას მშობელსა და მასწავლებელს შორის იყოს მუდმივი კომუნიკაცია.

 

5. ჯგუფური აქტივობები

პროექტები, დავალებები და ა.შ. - ჯგუფური აქტივობები დაეხმარება მოსწავლეებს შეძლონ სხვისი აზრის მიღება, ერთმანეთის დახმარება, მხარდაჭერა, რაც გამოიწვევს თბილი დამოკიდებულებების გაჩენას.

 

6. კონფლიქტის გადაჭრის გზები

ბულინგთან და სიძულვილის ენის წინააღმდეგ ბრძოლისას ერთ-ერთი მთავარი ნაწილია ვასწავლოთ მოზარდებს კონფლიქტის გადაჭრის/მოგვარების მშვიდობიანი გზები, რაც მათ დაეხმარებათ პრობლემის გადაჭრაში, ფსიქოლოგიური ძალადობის გარეშე.

 

7. სწრაფი რეაგირება

მოზარდებს შორის მსგავსი პრობლემის აღმოჩენისთანავე ჩავერიოთ და მივცეთ კონფლიქტს მიმართულება დასასრულისკენ. უკიდურეს შემთხვევაში (როცა თქვენი ძალისხმევა უძლური ხდება) მივმართოთ შესაბამის ორგანოებს/პირებს.

 

8. სპეციალისტთან გასაუბრება

სასარგებლო გავლენას იქონიებს მოზარდების ისეთ სპეციალისტებთან გასაუბრება, როგორიცაა მაგ.: ფსიქოლოგი. მინი ლექცია/ტრენინგი, ბავშვს უბიძგებს ბულინგის უარყოფისკენ.

 

ეს ჩამონათვალი, რა თქმა უნდა, სრულად არ გვიჩვენებს მოგვარების ყველა გზას, მაგრამ ჩვენ შემოგთავაზებთ საინტერესო მასალებს. გახსოვდეთ, თუ ჩვენ ამას ბავშვობაში ჩავუნერგავთ პიროვნებას, შევძლებთ მინიმუმადე დავიყვანოთ ბულინგის/კიბერბულინგის ფაქტები.

არა ბულინგს/კიბერბულინგს!